(Kabacan, North Cotabato/ April 16, 2014)
---Ilang linggo bago ang paggunita ng mahal na araw at buong selebrasyon ng
Semana Santa ay nakalatag na ang seguridad ng Kabacan PNP.
Ito ang tiniyak kahapon ni Supt. Jordine
Maribojo, hepe ng Kabacan PNP sa panayam sa kanya ng programang Periodiko
Express ng DXVL News.
Aniya, may mga koordinasyon na sila sa mga
aktibidad ng Simbahan partikular na ang Christ the King Parish na nasa
Bonifacio St. ng Poblacion.
Kaugnay nito, nakabantay na rin ang mga
elemento ng kapulisan, militar, mga volunteer na tanod at BPAT sa mga matataong
lugar kagaya ng terminal at pamilihan.
Ito para tiyakin din ang seguridad ng mga
bakasyunistang bibiyahe ngayong araw.
Sinabi ni Supt. Maribojo na naglagay na rin
ng HELP DESK ang Kabacan sa mga natukoy na convergence area.
Pinasalamatan din nito ang komunidad, PNP at
militar kasama ang suporta ng Pamahalaang Lokal ng Kabacan sa pamumuno ni Mayor
Herlo Guzman Jr. sa pagpapanatili ng kaayusan sa bayan.
Samantala, gagawin naman ngayong umaga ang
Municipal Peace and Order Council Meeting na dadaluhan ng lahat ng mga hepe ng
tanggapan ng LGU Kabacan.
Sa naging pahayag ni Supt. Maribojo, dito
ipipresinta ang Peace and Order Situation ng Kabacan mula Enero hanggang sa
kasalukuyan.
Una ng sinabi ng opisyal na bumaba ang crime
index ng Kabacan kung ihahambing ito sa kaparehong quarter ng nakaraang taon. Rhoderick Beñez
0 comments:
Mag-post ng isang Komento