(Kabacan, North Cotabato/ April 7, 2014) ---Abot
sa 45 mga tricycle at tricycab ang ngayon ay naka-impound sa Kabacan PNP sa
isinagawang operasyon kontra kolurom nitong Biyernes.
Ayon sa Kabacan PNP Traffic Division nahuli
ang nasabing mga sasakyan dahil sa iba’t-ibang paglabag sa batas trapiko.
Kabilang na dito ang kawalan ng kaukulang
permit sa pagmamaneho kasama na dito ang walang driver’s license, expired ang
OR/CR at ang pagiging kolurom ng sasakyan.
Isinagawa ang operasyon kontra kolurom sa
mga pangunahing lansangan ng Kabacan at magpapatuloy ito, ayon kay Kabacan
Trffic Management Unit Head Ret. Col Antonio Peralta.
Ang nasabing hakbang ay bahagi na rin ng
pagsawata ng mga nagmamanehong hindi residente ng Kabacan at maiwasan ang mga
krimen na minsan ay kinasasangkutan ng ilang mga riding tandem.
Una dito sinabi naman, ni Franchising
Regulatory Head Joel Martin na hanggang sa Katapusan na lamang ng Abril ang
palugit naman sa mga tricycle drivers at operators na hindi pa nakakuha ng
kanilang prangkisa at ang pagpipinta ng kulay kahel. Rhoderick Beñez
0 comments:
Mag-post ng isang Komento