Welcome Class 2015

Welcome Class 2015

Sa lahat ng mga sumuporta sa ating programa at aktibidad sa ika-siyam na taong anibersaryo ng DXVL FM! Maraming Maraming salamat po sainyu! Sa aming mga sponsors at mga mga naging katuwang sa Tree growing Activity, Bloodletting Activity at sa Hatawan Para sa Batang Nangangailangan, taos puso po kaming nagpapasalamat… hanggang sa susunod na taon Kakoolitan…

DXVL Staff

...

Kauna-unahang Eco-Tourism Summit at Exhibit sa Kidapawan City dinagsa ng mga exhibitor mula sa iba't ibang lugar sa bansa

Written by: Malu Cadeliña Manar

(Kidapawan City/ April 10, 2014) ---Dalawampu’t isang  exhibitor mula sa Kidapawan City, mga bayan sa North Cotabato, at iba pang lugar mula sa Davao City, Cebu City, at Metro Manila ang lumahok sa kauna-unahang Eco-Tourism Summit and Exhibit na ginanap sa Kidapawan City.

Tampok sa exhibit ang mga locally-made organic at herbal products tulad ng Calabash juice na itinuturing na miracle juice; cosmetics; mga damit; organic foliar powder; mga hotels at condominium units na nakabase sa Davao City; at mga tourist destinations ng Kidapawan City, Magpet, at Makilala sa North Cotabato.


Sinabi ni Kidapawan City Mayor Joseph Evangelista na ang eco-tourism summit ang siya’ng kickoff point para sa Mount Apo Summer Climb na sisimulan din ngayong linggo.

Ipinagmamalaki ng lungsod ang naggagandahang highland spring at waterfalls; iba’t ibang klase ng mga ibon at mga tanim na endemic sa bundok; at ang mga climbers’ trails paakyat ng tuktok ng bundok -- gamit ang ruta mula sa Kidapawan City.

Sinabi ni Evangelista na kabilang ang tourism development sa pinaglalaanan ng pondo ng kanyang administrasyon upang mapalakas ang turismo at umunlad ang ekonomiya ng lungsod.

Maging si DOT-12 Regional Director Nelly Dillera nangako ng tulong sa City LGU para mailagay sa destinasyon ng mga lokal at dayuhang turista ang Kidapawan City at iba pang lugar sa Region 12 bilang, “12th paradise” ng bansa.


Nais ni Evangelista na sa pamamagitan ng pinalawak at pinalakas na tourism campaign kapwa ng DOT at ng mga LGU sa Region 12 mababago ang impresyon ng publiko tungkol sa Mindanao. Malu Cadeliña Manar/DXVL News

0 comments:

Mag-post ng isang Komento