(Amas, Kidapawan city/ April 12, 2014) ---Aminado
si Cotabato Police Provincial Office o CPPO Director Senior Supt. Danilo
Peralta na nalulusutan pa rin sila ng mga suspek na responsible sa nakawan ng
motorsiklo sa kabila ng kanilang kampanya laban dito.
Aniya, may mga nahuhuli naman silang mga
salarin sa nakawan ng motorsiklo kungsaan mas pinaigting nila ang kampanya
laban sa pagnanakaw ng motorsiklo sa pamamagitan ng highway checkpoints,
surveillance at monitoring at pakikipag ugnayan sa iba pang security forces.
Sa kabila nito, tumaas pa rin ang kaso ng
nasabing krimen dahil na rin aniya sa mataas na sales ng motorsiklo at ang dami
nito sa mga lansangan.
Ayon sa ulat, ilan sa mga pinupunterya ng
mga kawatan ay ang XRM na motorsiklo.
Batay sa mga intelligence report, ginagamit
umano ito ng mga sindikato para gawing makina sa bangkang de-motor para
gamiting transportasyon sa kanilang mga epektus kagaya ng shabu na ibinabagsak
sa probinsiya galing sa ibang lugar. Rhoderick
Beñez
0 comments:
Mag-post ng isang Komento