(Antipas, North Cotabato/ April 4, 2014) ---Binawian
ng buhay habang ginagamot sa ospital ang isang lalaki makaraang masangkot ang
minamaneho nitong motorsiklo sa aksidente partikular sa Dalapuan crake, brgy. Kiyaab
Antipas North Cotabato alas 6:15 kagabi.
Kinilala ni PSI Felix Fornan, hepe ng
Antipas PNP ang biktima na si Jun jun Ynon, residente ng Brgy. Binay, Magpet
North Cotabato habang sugatan naman ang angkas nitong si Rogen Hovelo Gallo, 30
anyos, may asawa at residente sa Brgy. Lamian, Surallah South Cotabato.
Ayon sa inisyal na pagsisiyasat ng Antipas
PNP, binabaybay ni Ynon at Gallo ang Antipas National Highway pauwi ng kanilang
bahay subalit pagdating sa kurbadang bahagi ng Dalapuan crake ng barangay
Kiyaab ay nawalan ng kontrol ang motorsiklo nito.
Ang nasabing sasakyan ay isang kulay pulang
Skygo Wizard na may license plate 9467 MX na aksidenteng nabangga sa railings
ng nasabing kalsada.
Nagtamo ng malubhang sugat si Ynon at agad
na isinugod sa Antipas Medical Hospital subalit binawian din ito ng buhay
habang ginagamot.
Nagtamo naman ng sugat ang back rider nito
na patuloy na nagpapagaling sa nasabing bahay pagamutan kungsaan nagpapatuloy
naman ang imbestigasyon ng Antipas PNP. Rhoderick
Beñez
0 comments:
Mag-post ng isang Komento