(Kidapawan city/ April 7, 2014) ---Posibleng
humaba pa ng anim na oras ang brownout na nararanasan sa Kidapawan City at iba
pang bahagi ng North Cotabato ngayong papatindi na ang tagtuyot.
Ito ang naging pagtaya ng Cotabato Electric
Cooperative o Cotelco.
Sinabi ni Cotelco spokesman Vicente Baguio,
patuloy sa pagbaba ang level ng tubig sa mga planta ng Agus sa Lanao del Sur at
Pulangi sa Bukidnon dahil sa matinding init.
Kung dati ang brownout ay umaabot lang sa
isa hanggang dalawang oras, posible na tumagal ito ng mula anim hanggang walong
oras.
Ito, ayon kay Baguio, ay kung di agad
mabibigyan ng solusyon ang matinding kakulangan sa suplay ng kuryente para sa
North Cotabato.
Sa ngayon, kumukuha ng kuryente ang Cotelco
mula sa Agus at Pulangi hydro-electric power plants ng National Power
Corporation at sa diesel-fed power barges ng Therma Marine, Inc..
Pero dahil kapos ang suplay ng kuryente sa
Mindanao, di nito kayang tugunan ang pangangailangan ng Cotelco at ng iba pang
electric cooperative sa buong isla.
Sa ngayon, ayon kay Baguio, ay pumapalo sa
17MW ang nakukuhang kuryente ng Cotelco kada araw – 9MW nito mula sa Napocor at
8MW mula sa TMI – halos 52 porsiento na mas mababa kaysa sa kabuuang
pangangailangan nito na 36MW. Malu Cadeliña
Manar
0 comments:
Mag-post ng isang Komento