Animal Health Day; isasagawa ngayong araw sa isang bayan ng Kabacan

Written by: Anthony Hemilo

Ipagdiriwang ngayong araw February 8, 2012 ang Animal Health Day sa Baranggay Katidtuan, Kabacan, Cotabato.

Kaugnay ng programang ito magkakaroon ng Large Animal Vaccination, Deworming at Administration Of Vitamin Supplements Para sa mga alagang Hayop na mga residente ng nabanggit na Baranggay.

Ito ay pangungunahan ng mga taga Municipal Agriculturist Office ng bayan ng Kabacan, sa pakikipag-ugnayan ng College of Veterinary Medicine ng Pamantasan ng Katimugang Mindanao, Philippine Carabao Center (PCC) at sa tulong na din ng Office of the Provincial Veterinarian (OPVET) ng North Cotabato.

Kasabay ng proramang ito, magkakaroon din ng Area Validation ang mga taga Municipal Agriculturist ng Kabacan para sa programa ni North Cotabato Governor Emmy Lou “LALA” Taliño Mendoza na Plant Now Pay Later (PNPL) Para sa mga magsasakang gustong mag-tanim ng Oil Palm ngunit wala namang sapat na puhonan.

Ang area validation sa araw na ito, ay gaganapin sa baranggay Pedtad at bukas naman February 9, 2012 ay sa baranggay Simone.

Read More

Alkalde ng isang bayan sa North Cotabato; pumanaw na

(Arakan, North Cotabato/February 8, 2012) ----Pumanaw na kahapon si Arakan municipal mayor Gerardo Tuble dahil sa lung cancer.

Bandang tanghali ito binawian ng buhay sa isang ospital sa Davao City.

Ang kamatayan ni Mayor Tuble kinumpirma ng ilang miyembro ng League of Municipal Mayors sa North Cotabato.  

                                                            

Maging sila nagulat din sa balita na kanilang tinanggap at nagpaabot ng pakikidalamhati sa pamilya ni Mayor Tuble at sa mga constituents nito.     

      

Si Tuble, dati’ng bise-alkalde ng Arakan, ay miyembro ng Arakan Valley Development Council Board na binubuo ng limang mga bayan sa ikalawang distrito ng North Cotabato. 

          

Sa ngayon, nagluluksa ang taga-Arakan dahil sa pagkamatay ng kanilang lider.

Si Tuble rin ang ikalawa sa pinaka-importanteng tao sa bayan ng Arakan na nasawi, simula buwan ng Oktubre. 

                                                                            

Ang una ay nang barilin at patayin noong October 17 si Father Fausto Tentorio, PIME.

Read More

Sumifru corporation; kinasuhan ng sibil ang mga landowners na nag road blockade sa bayan ng Matalam

(Matalam, North Cotabato/February 8, 2012) ----Kasong sibil ang isinampa ngayon ng Sumifru Corporation sa dalawa mula sa mahigit 30 mga landowners na nagsagawa ng road blockade sa bayan ng Matalam, North Cotabato.

Ito ang sinabi ng administrator ng Sumifro-North Cotabato na si Eric Tubo matapos na humingi din ng danyos ang Sumifru sa mga landowner.

Ayon sa report, nabatid na sa buong North Cotabato, abot sa 3,200 na mga contractual workers ang sini-suwelduhan ng Sumifru.  

Kaya ayon kay Tubo, malaki’ng perhuwisyo ang idinulot ng naging protest move ng mga landowners, hindi lamang sa kanilang korporasyon, kundi maging sa kanilang mga trabahante.

Pinigilan umano ng mga land owners ang mga trabahante ng Sumifro na makapasok sa plantasyon kaya’t wala raw silang maiuuwing sahod sa kanilang pamilya dahil “No work, no pay” ang mga ito.

Sa kabilang ng kasong isinampa ng pamunuan ng sumifro ay, pursigido ang mga land ownwers na ituloy ang road blockade.

Sa ganito’ng paraan pipigilan nila ang Sumifru anihin ang mga produkto’ng saging na nasa mga lupa’ng pag-aari nila. (Rhoderick Beñez)

Read More

33rd USM Hospital Anniversary; ipagdiriwang

Written by: Brex Bryan Nicolas

Ipagdiriwang ng University of Southern Mindanao hospital ang kanilang ika 33 anibersaryo, isang araw bago ang araw ng mga puso, a-13 ng Pebrero, taong kasalukuyan.

Kaugnay nito, magsasagawa sila ng libreng konsultasyon na gagawin ng mga spesiyalista sa surgery OB-gyne, medicine at pediatrics na magsisimula alas 8 ng umaga hanggang alas dose ng tanghali sa usm hospital.

Masaya namang ibinahagi ni USM director for Hospital and Health Services Dr. Deodato Garcia, ng nabanggit na hospital na Level II, Center of Safety na ang USM hospital, matapos ina-credit ng Department of Health at Philhealth ang hospital noong Setyembre nang nakaraang taon. 

Read More

Isang stage 4 cancer Patient na Propesor ng USM, pumanaw na!

Written by: Rhoderick Beñez

(USM, Kabacan, North Cotabato/February 8, 2012) ---Tuluyan ng iginupo ng kanyang karamdaman ang isang propesor ng University of Southern Mindanao dahil sa malala nitong sakit na cancer na ayon sa mga doctor ay nasa stage 4 na.

Pumanaw si Dr. Medin Dialo-Ontok nitong Pebrero a tres taong kasalukuyan sa edad na 55.

Si Dr. Ontok ay naging faculty ng College of Arts and Sciences at naging Dean ng IMEAS noong taong 1994-2004.

Ayon kay Institute of Middle East and Asian Studies Dean Dr. Abubakar A. Murray, si Dr. Ontok ay mailalarawan nito bilang motherly, community organizer, motivator at caring sa lahat ng mga estudyante.

Idaraos naman ang kanyang 7^th day death kanduli sa Pebrero a onse sa darating na sabado sa Mapatlig, Isulan, Sultan Kudarat.

Read More

Peace Keeping detachment sa isang brgy sa Kabacan; pinaputukan

Written by: Anthony Henilo

(Kabacan, North Cotabato/February 8, 2012) ---Nag-dulot ngayon ng takot sa ilang mga residente ng Baranggay Cuyapon at Lower Paatan, Kabacan, Cotabato ang insedenteng pag-papaputok ng baril malapit sa Peace Keeping Detachment na matatagpuan sa Boundary ng mga nabanggit na barangay, kamakalawa ng hapon.

Dahil dito, inireport na ito kahapon ng mga opisyal ng brgy ng Cuyapon na si Kapitan Ernesto Bigsang at Baranggay Captain Tony Maganaka ng Lower Paatan.

Anila, Nagpaputok umano ng baril ang isang nakilalang Lumanda Demacaling, nasa tamang edad at residente ng Purok Dema, Lower Paatan gamit ang kanyang 30-caliber Garand riffle na bagay namang pinaalerto ng mga opisyal ang nasabing detachment.

Hindi pag-kakaunawaan umano sa pagitan ng isang Muslim elder at ni Demacaling ang dahilan kung bakit ito nagpaputok.

Awayan sa lupa naman ang posibleng motibo sa naturang pag-papaputok, ayon sa Kabacan PNP.

Read More

Bata, minurder muna bago itinapon sa National Highway sa bayan ng M’lang, North Cotabato

(M’lang, North Cotabato/February 8, 2012) ---Posibleng isang child-in-conflict-with law o CICL ang bata’ng binaril at pinatay sa bayan ng M’lang, North Cotabato, kahapon ng madaling araw.

Ayon kay M’lang Mayor Joselito Pinol, edad trese o katorse ang pinatay.

May masking tape ang mukha ng bata at iginapos pa ang kamay at paa nito.

Sinabi ni Pinol na ang mga pagpatay na tulad kanina ay ginagawa lamang sa mga tao’ng may atraso sa batas.   At posible’ng ang biktima ay nakagawa ng isang krimen kaya siya ay tinawag na ‘child in conflict with law.’

Pero naniniwala si Pinol na hindi sa ganito’ng paraan maitutuwid ang anumang mali’ng gawa ng mga bata.

Dahil pinatay ang bata, di na raw siya nagkaroon ng pagkakataong magbago.

Ang bata ay binaril muna ng tatlong beses at iniwan sa highway ng Makilala-Tulunan, particular sa Barangay Pag-asa, M’lang ng itim na pickup na agad tumalilis patungo’ng Tulunan-Datu Paglas highway.

 

Hanggang sa ngayon ay wala pa ring pagkakilanlan sa naturang biktima.  

Read More

Mga Dentista dito sa North Cotabato, Makikiisa sa pagdiriwang ng dental Health Month

Written by: Brex Bryan Nicolas

(Kabacan, North Cotabato/February 7, 2012) ----Makikiisa ang mga dentista dito sa north cotabato sa taunang pagdiriwang ng Dental Health Month na pinangungunahan  ng Phillipine Dental Association ngayong buwan ng Pebrero.

Ayon sa panayam ng DXVL news kay Dra. Maria OLiva Yambao Damasco, isang dentista dito sa Kabacan, iba’t ibang aktibidad ang kanilang inorganisa para sa selebrasyong ito.

Makikiisa rin umano sila sa Free Dental Check up na “Kabarangay ng Colgate” na handog ng Colgate-Palmolive Company sa mga piling barangay dito sa Pilipinas. Dito sa Unang Distrito ng North Cotabato, maswerting napiling handugan ng libreng pagsusuri sa ngipin ang barangay Katidtuan ng Kabacan sa ngayong araw February 7, 2012, February 9 naman sa Carmen, February 14 sa Brgy Villarica, Midsayap, at sa Alamada, February 22.

Sa February 24 naman, gaganapin ang fun run na dadaluhan ng mga dentista dito sa North Cotabato, kasabay na rin ng kanilang culmination program sa selebrasyong ito.

Read More

(update) Estudyante sugatan sa pagsabog ng IED sa highway ng Carmen, N Cotabato

(Carmen, North Cotabato/February 7, 2012) ----Isang improvised explosive device o IED na gawa sa 81-mm na mortar ang sumabog sa Carmen-Bukidnon highway, partikular sa Barangay Cadi-is sa bayan ng Carmen, North Cotabato, alas-610 ng umaga, kahapon.

      

Sumabog ang bomba habang papadaan sa erya ang Rural Transit Bus na may plakang KVS 690 at body number 2930 na biyaheng Cagayan de Oro City patungong Tacurong City, Sultan Kudarat,

    

Isa katao ang sinasabing nasugatan sa naturang pagsabog.

      

Kinilala ang nasugatan na si Hazel Digamo, 20, estudyante ng University of Southern Mindanao at tubong Damulog, Bukidnon.

      

Naniniwala ang mga imbestigador na ang bomba ay para sa Rural Transit Bus at extortion ang sinasabing nasa likod nito.

      

Ito na ang ikalawang roadside blast na naganap sa highway ng Carmen-Kabacan, simula buwan ng Nobyembre ng nakaraang taon.

Noong Nobyembre, tinamaan din ng IED ang isang bus ng Rural Transit habang papasok ito sa bayan ng Kabacan, N Cotabato, kung saan isa rin ang nasugatan.

Patuloy pa ang mga imbestigador sa pag-alam sa grupo’ng nasa likod ng pagpapasabog.

Noong January 29, pinasabugan ng IED ang transport terminal sa bayan ng Pikit ng grupo’ng Al Khobar.  

Extortion din ang sinasabing motibo sa pagpapasabog.

Read More

Libu-libong halaga ng pera; natangay sa isang negosyante sa Kabacan

(Kabacan, North Cotabato/February 6, 2012) ---Abot sa humigit kumulang sa P15,000 ang natangay ng mga di pa nakilalang mga magnanakaw sa isang negosyante na nasa Malvar St., Poblacion, Kabacan, Cotabato kaninang hating gabi.

Batay sa report ng Kabacan PNP, nakilala ang may ari ng bahay na si Charity Ramos, 34-anyos at residente ng nabanggit na lugar.

Mahimbing umanong natutulog ang biktima ng pasukin ang kanyang bahay kungsaan sinira umano ng mga salarin ang kanilang bintana upang gawing entry points, batay sa mga bakas na nakita sa tindahan nito.

Maliban sa cash, tinangay pa ng magnanakaw ang Nokia cellphone nito.

At ng maisakatuparan ang masamang balakin ay agad namang tumakas papalayo ang salarin sa di malamang direksiyon.

Subject for manhunt na ng mga pulis ang mga suspetsado

Read More

IED sumabog sa Carmen, North Cotabato ngayong umaga

(Carmen, North Cotabato/February 6, 2012) ----Isang improvised Explosive device ang sumabog mga dakong alas 5:00 ng umaga kanina sa Brgy Cadiis, Carmen, North Cotabato.

Batay sa report, isa katao umano ang sugatan habang inaalam pa ng mga otoridad kung anung klaseng bomba ang pumutok sa nasabing lugar.

Hindi pa mabatid ng mga otoridad kung anu ang motibo sa nasabing pambobomba.

Read More

Chalk arts, isinagawa sa USM, Kabacan, Cotabato

Written by: Rhoderick Beñez

(USM, Kabacan, North Cotabato/February 5, 2012) ----Gamit ang iba’t-ibang mga makukulay na mga chalks, ay iginuhit ng mga mag-aaral ng University of Southern Mindanao ang kanilang obra mestra sa sementadong daan sa loob ng USM Main campus nitong Biyernes.

Ayon kay Prof Flora Mae Garcia, USM- Institute of Physical Education and Recreation director, layon ng nasabing selebrasyong ito na ipakita ang ibat-ibang uri ng likhang sining dito sa pamantasan at isa na nga dito ang pag-drawing gamit ang mga chalk.

Makikita rin ang makukulay na obra maestro na gawa ng mga estudyante sa mga sementadong daan ng USM.

Read More

Military outpost sa North Cotabato; sinunog ng mga armadong NPA

(Makilala, North Cotabato/February 4, 2012) ---Sinunog ng umano mga miyembro ng New Peoples’ Army (NPA) ang outpost ng 57^thInfantry Battalion sa may Purok-6, Barangay Batasan, Makilala, North Cotabato kagabi.

Ayon kay Lt. Manuel Gatus, spokesperson ng 57^th IB, walang mga sundalo na naroon sa erya nang masunog ang outpost na nagsisilbing detachment rin ng Barangay Peacekeeping Action Team o BPAT ng Barangay Batasan.

Noon pang nakaraang Miyerkules bumaba mula sa Purok-6 patungo ng sentro ng barangay ang mga sundalo nila.

Wala namang mga nadamay na bahay sa sunog, ayon sa ilang mga residente sa lugar.

Ang outpost ay halos ilang metro din ang layo mula sa mga bahay ng mga sibilyan.

Pero sinabi ni Gatus na itatayo pa rin ng mga residente sa lugar ang kampo ng BPAT at ng 57^th IB sa pamamagitan ng bayanihan.

Mananatili, aniya, sa lugar ang mga sundalo hangga’t kailangan sila ng mga sibilyan bilang proteksyon kontra sa mga rebeldeng NPA.

Read More

1M halaga ng ari-arian; naabo sa Kidapawan City

Written by: Rhoderick Beñez

(Kidapawan City/February 4, 2012) ---Naabo ang bahay na pag-aari ng isang empleyado ng Kidapawan city government na nasa brgy. Ginatilan, Kidapawan City ala 1:30 kahapon ng hapon.

Abot sa isang milyon ang halaga ng mga gamit na tinupok ng apoy na pag-mamay-ari ni Nieves Barreto-Vegafria.

Batay sa report, nagsimula umano ang sunog sa kwarto ng may-ari at agad kumalat sa iba pang bahagi ng bahay.

Naka-kandado ang bahay ni Vegafria kaya nahirapan ang mga kapitbahay nito isalba ang kanyang mga gamit.

Nag-bayanihan din ang mga ito para ‘di kumalat sa iba pang mga bahay ang apoy.   

Ngunit, tangi’ng ang refrigerator lamang ng biktima ang naisalba.

Halos isang oras din ang hinintay ng mga residente sa lugar bago nakapagresponde ang firetruck ng City Fire Department.

Read More

Isang eskwelahan sa North Cotabato, sinunog ng mga armadong grupo

(Pikit, North Cotabato/February 4, 2012) ---Sinunog ng mga ‘di kilalang armadong lalaki ang library ng Gocotan Elementary School sa Barangay Gocotan sa bayan ng Pikit, North Cotabato, alas-7:30 kagabi.

Ayon sa report ng Pikit PNP, wala naman umanong may nasugatan sa nasabing panununog.

Di rin kumalat sa mga katabi’ng kwarto ng eskwelahan ang apoy.

Di pa batid ng Pikit PNP ang motibo at ang grupo na responsable sa panununog.

Ito na ang ikalawang pagkakataon na nasunog ang naturang eskwelahan.

Noong 2010, sinunog rin ng mga armadong Moro ang buong eskwelahan habang nasa kalagitnaan pa lamang ng school year noon.

Ipinatayo ito’ng muli ng Pikit LGU, sa tulong ng Cotabato provincial government at ng Engineering Battalion ng Philippine Army, noon ding 2010. 

Read More

Magnanakaw tiklo sa Carmen, North Cotabato

(Carmen, North Cotabato/February 4, 2012) ---- Kalabuso ngayon sa Carmen lock up cell ang isang Johny Mansinaging makaraang masangkot sa isang robbery sa brgy Aroman, Carmen, Cotabato dakong alas 9:30 kagabi.

Ayon sa report ni P/Insp Jordine Maribojo, hepe ng Carmen PNP nilooban umano ni Mansinaging, residente rin ng naturang brgy ang isang grocery store ni Ginang Tesy Acon at nilimas ang iba’t-ibang mga grocery items at iba pang mga personal na gamit ng biktima.

Sinira umano ng biktima ang bubong ng bahay ni Acon upang gawing entrance point.

Mabilis namang rumisponde ang mga elemento ng PNP sa pangunguna ni PO3 Melvin Milanes kasama si Brgy kagawad Marcy Rizaldo dahilan ng pagkaka-aresto sa biktima.

Narekober sa biktima ang ilang grocery items, mga damit, kitchen utensils at perang nagkakahalaga ng 5 thousand pesos. 

Nasampahan na din ng kasong robbery ang suspek at kasalukuyan ng nasa kostudiya ng Carmen MPS. (Rhoderick Beñez)

Read More

(update) 2 lalaki patay sa nangyaring pamamaril sa Kabacan, Cotabato; kagabi

(Kabacan, North Cotabato/January 3, 2012) ---Patay on-the-spot ang dalawa katao makaraang pagbabarilin ng ‘di kilalang gunman sa highway ng Kabacan, N Cotabato, alas-1020 kagabi.

Mga riding-in-tandem ang sangkot sa pamamaril sa may kanto ng Tomas Claudio Street at Tandang Sora Street sa Purok Chrislam sa Kabacan.

Kinilala ni Supt. Joseph Semilllano, mhepe ng Kabacan PNP, ang mga biktima na sina Andrew Caumbo ng Barangay Tunggol, Kabacan; at isang  umano kaanak ng mga Montawal sa Montawal, Maguindanao.

Sakay umano ng itim na Yamaha DT 125 na motorsiklo ang dalawa nang pagbabarilin ng mga suspect, gamit ang kalibre .45 na pistol.

Ang mga suspect ay lulan ng Honda XRM na motorsiklo na walang plaka na mabilis na tumakas pagkatapos ng pamamaril.

      

Mabilis na isinugod sa Kabacan Polymedic Hospital ang mga biktima, subalit idineklarang dead on arrival ang isa sa mga ito.

Si Caumbo ay nasawi habang ginagamot sa ospital. Sa ngayon, inatasan na ni Kabacan Mayor George Tan ang mga pulisya sa magsagawa ng manhunt operation para sa ikadarakip ng mga responsible.

Ito na ang ikalawang kaso ng pamamaril na naitala sa bayan ngayong taon. (Rhoderick Beñez)

Read More

Granada sumabog sa Kabacan, Cotabato

Written by: Rhoderick Beñez

(Kabacan, North Cotabato/February 3, 2012) ----Patuloy ngayon ang imbestigasyon ng mga otoridad sa nangyaring pagsabog ng granada sa may residente ng Vallejos compound, Lower Paatan, Kabacan, Cotabato dakong alas 9:45 kagabi.

Ayon kay brgy kagawad Marodjin Bautista, 35, walang asawa at residente ng nabanggit na lugar, nabigla na lamang umano sila ng sumambulat ang malakas na pagsabog sa kanilang brgy.

Kaya agad nitong inireport kaninang umaga sa Kabacan PNP ang nasabing pangyayari dala pa ang ilang mga parte ng sumabog na Granada.

Di rin mabatid pa ng mga otoridad kung anu ang motibo ng nasabing pagpapasabog.

Read More

Walk for Peace; isasagawa sa araw ng mga Puso; taong bayan may bahagi sa pagmintina ng kapayapaan sa bayan

Written by: Rhoderick Beñez


(Kabacan, North Cotabato/February 3, 2012) ---Hinikayat ngayon ng ilang mga matataas na opisyal sa bayan ng Kabacan ang mamamayan nito na makiisa sa gagawing walk for peace sa araw mismo ng mga puso ngayong Pebrero a-katorse.

MPOC Meeting

Layon nito na pag-isahin ang lahat ng sektor hindi lamang dito sa bayan ng Kabacan kundi ito ay hudya’t lamang ng pagsisimula ng nasabing programa upang makamit ang kapayapaan sa bahaging ito ng Mindanao.

Batay sa report, ilan kasing mga pambobomba ang nangyari sa bayan nitong nakaraang taon.

P/SSupt. Cornelio Salinas

Kaya naman sa kanyang mensahe kahapon sa Peace and Order Council Meeting sinabi ni Cotabato Police Provincial Director Cornelio Salinas na sa dalawang taon nito bilang mataas na opisyal sa hanay ng PNP, masakit ang loob nito na nagiging okay na lamang umano sa mga mamamayan ng Kabacan ang mga nangyayaring karasahan sa lugar.

Dahil kapag may mga kahalintulad na insedente agad umanong sinisisi ang mga opisyal ng bayan, pulisya at militar.

Kaugnay nito, hinamon ni Salinas ang publiko na maging bahagi ng pagbabago na siya ring binigyang diin nito na mensahe ni Mahatma Gandi, isang lider ng India.

Naniniwala kasi, ang opisyal na ang taong bayan pa rin ang makapagpapahinto ng karahasan sa bayan ng Kabacan.

Sa panig naman ni Cotabato Provincial tourism Council at dating konsehal ng bayan ng Kabacan Jabib Guiabar, sinabi nito na ang bayan ng Kabacan ay isang progresibo at patuloy na lumalago dahil sa mga pumapasok na mga investors sa bayan dahil naniniwala ang mga negosyante sa kakayahan ng punong ehekutibo ng bayan na si Kabacan Mayor George Tan.

Mayor George Tan

Iginiit pa ng opisyal na ang mga nangyayaring krimen sa bayan ay hindi mga tubong Kabacan ang gumagawa kundi mga galing sa ibang lugar ngunit dito lamang umano ginagawa sa Kabacan.

Tinukoy pa nito na ang mga nangyayaring pambobomba ay politically motivated at hindi lahat ay kagagawan ng bangsamoro.

Gayunpaman, sinabi ng tourism officer na ang mga Kabakeños ay nagmamahalan.

Sinabi ni MPOC Secretary Ana Ligaya Manangquil na ang nasabing Municipal Peace and Order council Meeting ay quarterly na isinasagawa upang mapag-usapan ang status ng Peace and Order sa bayan.

Kahapon dinaluhan ito ng mga brgy Kapitan, opisyal ng bayan sa pangunguna ni Kabacan Mayor George Tan, heads of offices ng LGU, mga deans at director mula sa academe ng USM, USM Pres Dr. Jesus Antonio Derije, VPAA Dr. Antonio Tacardon at marami pang iba.

Read More

Seguridad sa isang brgy sa Kabacan; pinaigting dahil sa serye ngnakawan ng mga alagang hayop

Written by: Rhoderick Beñez

Dinoble na ngayon ng mga otoridad ang seguridad sa barangay Malanduague, Kabacan, Cotabato, matapos nakawin ng sabay-sabay ang tatlong inahing baka at isang batang baka na pagmamay-ari ni Orlando Accad at isang kalabaw ni Jimmy Beda kamakalawa.

Ayon sa report, nabatid na itinali lamang umano ni Accad sa likod ng kanilang bahay ang nasabing hayop ng balikan nito kinaumagahan ay laking gulat nitong wala na ang

Kinalagan umano ng mga di pa nakilalang mga kawatan ang kanyang alagang hayop at dinala sa isang masukal na lugar sa brgy Malanduage.

Ito rin ang nangyari sa alagang hayop na kalabaw ni Beda.

Kaya naman naghigpit na ng seguridad ang mga opisyal doon makaraang nauuso na naman ang nakawan ng alagang hayop. (with report from Brex Nicolas)

Read More

Mga kandidata sa Mutya ng Kidapawan 2012, pormal ng ipinakilala sa publiko

(Kidapawan City/February 3, 2012) ----Sa pamamagitan ng isang press conference, pormal ng ipinakilala sa publiko ang labing tatlong mga kandidata para sa Mutya ng Kidapawan 2012 bilang bahagi ng kapistahan na may temang: Huwarang pamamahala, tiwala at gantimpala.

Kahapon isinagawa ang conference sa SP session hall kung saan direkta at tuwirang sinagot ng mga kandidata ang bawat katanungan ng mga kagawad ng media mula sa radio, tv at print.

Ilan sa mga maiinit na isyu ang naging sentro ng katanungan tulad ng impeachment kay Chief Justice Renato Corona, mga kalamidad na tumama sa bansang Pilipinas,  problema na kinasasangkutan ng maraming mga kabataan at maraming iba pa.

Ang mga kandidata na magpapatagisan ng galing at talino ay sina Flora Mae Navalta, Devie Alejandro, Lovely Carias, Jenny Ann Maghari, Jemina Niogan, Jovie Dela Cruz, Kimberly Mamburam, Mary Joy Espino, Jenny Sacayanan, Jean Clare Costoy, Shiela Mae Agoot, Mary Angelie Cadiz, at Frevi Cris Bangcas.

Samantala, kaninang alas otso ng umaga ay ginawa sa Kidapawan City National High School ang Information, Education Campaign o IEC patunkol sa Anti Smoking Ordinance na kung saan mas hihigpitan pa ang implementasyon nito dito sa lungsod ng Kidapawan.

Ayon kay Psalmer Bernalte-ang City Information Officer ang labing tatlong mga kandidata ay magiging miyembro ang Speakers Bureau na syang magbibigay ng lecture sa masamang epekto ng paninigarilyo lalaong lalo na sa kalusugan ng tao.

Inaasahan na kung sino man ang makokoronahan bilang Mutya ng Kidapawan ay magiging modelo at ehemplo ng maraming kabataan at mamamayan ditto sa lungsod ng Kidapawan at sa mga kalapit lugar.   

Read More

Nagpapataya ng illegal numbers, huli sa Matalam, Cotabato

(Matalam, North Cotabato/February 3, 2012) ---Nahuli ng mga otoridad sa aktong nagpapataya ng illegal numbers na mas kilala sa tawag na last two ang isang Jomarie Castro, kamakalawa sa Brgy. Linao, Matalam, Cotabato.

Si Castro ay natiklo mismo ng mga otoridad habang nagsasagawa ito ng nasabing Gawain habang nagpapatrolya at pagroronda ang mga otoridad.

Kasong paglabag sa PD 1602 o illegal gambling ang kakaharapin ng suspetsado.

Nakuha mula kay Castro ang mga ginagamit nito sa nasabing illegal gambling kagaya ng: ballpen, tally sheet, at resibo na naglalaman ng mga taya na nagkakahalaga ng P390.00.

Agad namang inilagay pansamantal sa kustodiya ng Matalam PNP ang nasabing lalaki.

Read More

1 patay habang isa pa kritikal sa nangyaring pamamaril sa Purok Crislam, Kabacan; Kagabi

Written by: Rhoderick Beñez

(Kabacan, North Cotabato/February 3, 2012) ----Dead on the spot ang isang biktima habang kritikal naman ang isa pang kasamahan nito ng pagbabarilin ng mga riding in tandem sa Corner ng Tomas Claudio St. at Tandang Sora St., Purok Chrislam, Poblacion, Kabacan, Cotabato alas 10:22 kagabi.

Ayon kay P/Supt Joseph Semillano, hepe ng Kabacan PNP nabatid na sakay ang dalawang mga di pa nakilalang mga biktima sa kanilang kulay itim na Yamaha DT 125 habang naghihintay sa nabanggit na lugar ng sila ay pagbabarilin gamit ang kalibre .45 na pistol batay sa mga empty shell na narekober ng mga pulisiya sa crime scene.

Sakay ang mga suspeck sa Honda XRM, na mabilis namang tumakas papalayo sa di pa malamang direksiyon.

Mabilis namang isinugod sa Kabacan Polymedic Hospital ang mga biktima subalit ideneklara namang dead on the spot ng mga attending physician ang isa sa mga ito.

Sa ngayon, inatasan na ni Kabacan Mayor George Tan ang mga pulisya sa magsagawa ng manhunt operation para sa ikadarakip ng mga responsible.

Ito na ang ikalawang kaso ng pamamaril na naitala sa bayan ngayong taon.

Read More

12-anyos na bata mula sa M’lang, North Cotabato; nanganak

Written by: Rhoderick Beñez

(M’lang, North Cotabato/February 3, 2012) ---Isang labindalawang taong gulang pa lamang na bata ang nanganak kagabi sa M’lang doctor’s hospital sa bayan ng M’lang, North Cotabato.

Ayon kay Doctor Prescilo Ingkong, isinailalim sa caesarian operation ang bata dahil sa delikadong nitong kondisyon.

Bagama’t nasa maselan ang kalagayan nito sa pagbubuntis sinabi naman ni Dr. Ingkong na normal namang isinilang ng pinakabatang ina ang 2.5 kilo nitong anak kagabi.

Ang nasabing bata ay tubong pulang lupa sa nabanggit na bayan.

Kaugnay nito, kinilala ang naturang bata bilang pinakabatang ina sa lalawigan ng North Cotabato.

Una rito, na break ng nasabing ina ang pinakabata ring ina na taga Kabacan na nanganak sa murang edad na labin apat na taong gulang.

Read More

4 na mga suspected drug courier sa Kabacan, pinawalang sala ng hukom

(Kabacan, North Cotabato/February 2, 2012) ---Sa ikatlong pagkakataon, muli’ng ipinag-utos ng Regional Trial Court branch 22 sa bayan ng Kabacan na pakawalan ang mga suspected drug courier na nakulong matapos ang buy-bust raid.

Kamakailan, ipinag-utos ni RTC 22 Judge Laureano Alzate ang pagpapalaya sa apat na mga preso dahil sa umano paglabag sa ‘chain of custody rule’ ng mga umaresto sa kanila.

Di rin umano sumisipot sa mga pagdinig sa korte ang mga testigo ng PNP.

Ang mga pinakawalan ay sina Edgar Corpuz na hinuli noong Sep 15, 2003; Dodong Alon na nahuli noong June 4, 2004;  Lanie Alamada na hinulong noong Sep 10, 2005; at Ben Langayen Payo na hinuli noong July 27, 2006.

Lahat sila ay hinuli sa bayan ng Kabacan.

Nanguna sa paghuli sa mga ito ang Kabacan PNP at ang mga operatiba ng Philippine Drug Enforcement Agency o PDEA.

Kaugnay nito, pinayuhan ni Judge Alzate ang mga pulis na sundin ang itinatakda ng batas, lalo na ang chain of custody rule at ang disposition of confiscated dangerous drugs para ‘di nasasayang ang kanilang pagod sa kanilang mga operasyon. (Rhoderick Beñez)

Read More

Bayanihan Forum ng 57th IB ng AFP tinuligsa ng grupo ng Kabataan!

Arakan, North Cotabato-  Mahigpit na kinondena ng mga progresibo at militanteng kabataan ang naganap na  forum sa Cotabato Foundation College of Science and Technology (CFCST) sa  Arakan Valley, North Cotabato na inorganisa ng 57^th Infantry Battalion ng  Philippine Army. Tinawag itong “BAYANIHAN FORUM”, sa nasabing pagtitipon, direktang sinabi nang resource speaker na si  Col. Leopoldo Galon ng Philippine Army na mga “front” ng New Peoples Army ang grupo ng ANAKBAYAN, Kabataan Party, Gabriela Womens Party, ANAKPAWIS, Bayan Muna at ACT Teachers Party.

Ayon kay Jeffrey Cuyno, tagapagsalita ng ANAKBAYAN- Arakan  Chapter, “isa itong porma ng political harassment sa aming grupo at sa aming mga miyembro bilang isang lehitimong organisasyon. Bahagi ito ng implementasyon ng counter insurgency na  Oplan Bayanihan ng rehimeng Aquino na ang layunin ay patahimikin ang mga grupong kritikal sa kanyang mga anti-mamamayan na polisiya at programa”.

Dagdag pa ni Cuyno, “ tuwirang paglabag ito sa aming karapatan bilang mga mamamayan, desperadong hakbangin ito ng 57^th IB dahil sa aming panawagan na paalisin na sila sa aming lugar dahil sa tuloy-tuloy ng mga paglabag sa karapatang pantao lalo na ang pagpatay kay Fr. Pops Tentorio ,  Ramon Batoy at iba pang sibilyan sa lugar .”

Sa nasabing forum nag-walk-out ang humigit kumulang isang libong estudyante bilang  protesta  sa pahayag ng resource speaker. Ayon din sa mga  estudyante ng CFCST, may mga pagkakataong nakikita nila ang mga miyembro ng militar na pumapasok sa kanilang campus na may mga bitbit na baril na  nagdudulot ng takot at pangamba  sa mga estudyante.

“ Nakakabahala ang pahayag ni Col. Galon.  Ang patuloy na pagdami ng  bilang ng biktima ng extra judicial killing sa bansa at ang pag implementa ng Oplan Bayanihan ay magdudulot ng matinding paglabag sa karapatang pantao. Ginagarantiya ng ating Saligang Batas ang ating karapatan sa pagbubuo ng organisasyon, asembliya at pamamahayag. Layunin nang aming grupo na ipaglaban ang karapatan ng kabataan at mamamayan sa trabaho, lupa at serbisyong panlipunan. Ang pagpapamulat, pag-oorganisa at pagpapakilos sa kabataan at maging kritikal sa mga polisiya na anti-mamamayan ay patuloy naming isusulong at ipaglalaban “ pagtatapos ni  Cuyno

Read More