Driver at conductor ng Weena Bus, patay; sa isang shooting at hostage incident sa Pigkawayan, Cotabato

Patay on the spot ang conductor ng Weena Bus kasama ang driver nito makaraang pagbabarilin ng isang hold-aper alas 7:00 kagabi sa may Brgy. Manuangan, Pigcawayan, Cotabato, 30 minuto bago makarating sa Lungsod ng Cotabato.

Kinilala ni Sr. Supt. Cornelio Salinas, ang Provincial Director ng North Cotabato PNP, ang driver na si Boboy Valdeviezo at ang conductor nito na nakilala sa pangalang Bael, tubong Bansalan, Davao Del Sur.

Habang kinilala naman ni Salinas ang suspek na si Melpo Dasmarinas Lavina, 46, residente ng Poblacion-3, Midsayap, Cotabato at dating brgy Tanod ng nabanggit na lugar. Nabatid na ang nasabing sasakyan ay last trip galing ng Davao City papunta ng Cotabato city.

Sa report sumakay umano sa Weena Bus Aircon Unit na may plate number MVV 364 sa Highway ng Midsayap ang suspek, subalit pag dating sa nabanggit na lugar ay nagdeklara ito ng hold-up. Nang marinig ng driver ang putok sa loob ng bus, agad nitong pinahinto ang sasakyan at sinubukang pahupain ang suspek subalit di ito nag paawat.

Pinatahimik ng suspek ang driver sa pamamagitan ng pagbaril sa ulo na siyang ikinamatay ng biktima, kasama conductor nito., doon na at nahulog sa daan ang nasabing Bus.

Matapos ang shooting incident, hinostage pa ng suspek ang mga estudyanteng nakilalang sina Myra Myca  at Apple Dequito Sinarimbo.

Subalit isa sa mga pasahero ng sasakyan ang agad na humingi ng tulong sa mga otoridad.  Matapos ang ilang minute at dumating naman ang mga rumispondeng  mga pulis na nagging dahilan naman ng pagsuko ng suspek at pagkaka-aresto nito.

Sinabi ngayong umaga ni PSSUPT Salinas na ang suspek ay nasa kustodiya na ng Pigcawayan PNP habang inihahanda na ngayong araw ang kasong kakaharapin nito.(Rhoderick Beñez)

Read More

Vice Mayor ng Maguindanao at 5 iba pa sugatan sa aksidente sa boundary ng Kabacan at Matalam

Isang vehicular accident ang naganap sa National Highway partikular sa Brgy. Katidtuan ilang metro lamang ang layo mula sa boundary ng Kabacan at Matalam noong umaga ng Sabado.

Batay sa inisyal na imbestigasyon ng Kabacan Traffic Police, lumalabas na habang binabaybay ng isang Suzuki Multi-cab ang rutang mula sa Cotabato papuntang Davao na direksiyon ng ito ay aksidenteng mabangga ng rumaragasang KIA Van mula rin sa kaparehong direksiyon.

Ang nasabing multicab ay minamaneho ni Jessie Perez, nasa tamang edad at residente ng Upper Paatan ng bayang ito habang sakay naman sa KIA Van ang vice Mayor ng Noro, Upi, Maguindanao.

Dahil sa lakas ng impact sugatan ang driver ng Kia Van at mga pasahero nitong nakilalang sina Mila Platon, Romeo Ninte, Charito Montaniel at Ariel Layson lahat residente ng Upi, Maguindanao kasama na si Vice Mayor Alexis Platon ng Noro, Upi Maguindanao at ang driver ng nasabing multicab na mabilis namang isinugod sa Kabacan Medical Specialist.

Nagtamo naman ng kasiraan ang dalawang mga sasakyan na patuloy pang iniimbestigahan ng Kabacan Traffic Police, ayon sa report P02 Jeryl Vegafria. (Rhoderick Beñez)

Read More

Mahigit 20 na mga mag-aaral  ng USM dumalo sa katatapos na National Convention ng Philippine Association of Campus Students and Advisers sa Baguio city

Dinaluhan ng mga presidente at opisyales ng iba’t-ibang societies, organization, at local government unit ng lahat ng unibersidad sa bansa ang Philippine Association of Campus Student and Advisers o PACSA na ginanap sa Teachers Camp, Baguio City noong nakaraang Nobyembre 26-29 taong kasalukuyan.

Iilan sa programang tinalakay sa nasabing convention ay ang Relationship between Adviser and Students at Green Peace. Layunin nito na mahasa ang kakayahan at abilidad ng isang studyante na mamuno kasama ng kanilang taga-payo.

Kasama si Office of the Student Affairs o OSA Director Dr. Carlito Maarat, kabilang din ang iilang mga organisasyon dito sa University Of Southern Mindanao o USM ang lumahok at naging partisipante sa nasabing seminar gaya ng Philippine Society and Agricultural Engineers o PSAE, Society of Hotel and Restaurant Progress o SHARP, Future Elementary Educators Society o FEES, Philippine Institute of Civil Engineers’ at isang society na mula sa College of Agriculture.

Samantala sa iba pang mga balita, balak ngayon ng Nestle Philippines, Inc., na magtayo ng buying station ng kape sa lalawigan ng Sultan Kudarat.

        

Ayon kay Sultan Kudarat Provincial Trade and Industry Director Nelly Dillera, interesado ang Nestle na lalo pa sila’ng mapalapit sa mga magsasaka ng kape, lalo na sa bahagi’ng ito ngMindanao.

Ginawa ng Nestle ang pahayag sa katatapos lang na 1^st Region 12 Coffee Congress na ginawa sa bayan ng Isulan, ang capital ngS ultan Kudarat. Sinabi ni Dillera na hindi lang access sa market ang magiging hatid ng pagtatayo ng coffee buying station sa lalawigan, kundi magreresulta din ito ng ibayong pag-unlad ng teknolohiya sa larangan ng agrikultura – mula pagtatanim hanggang sa anihan ng kape.  

Read More

Diumano’y mababang pondo na inilaan ng Pamahalaang Nasyunal sa edukasyon, mariing kinondena ng mga militante at progresibong Kabataan sa Kabacan

Mariing kinondena ng mga progresibo at militanteng grupo ng kabataan ang aprubadong P1.816 trilyong pambansang pondo para sa taong 2012.

Pormal na inaprubahan ng senado ang panukalang pondo nitong ika 29 ng Nobyembre, base sa ulat ng bicameral na komite, Itinalagang P22.09 bilyon ang pondong inilaan para sa mga State Universities and Colleges o SUC’s.

Kaugnay nito, ikinadismaya ng mga militante at progresibong grupo na ang pangkasalukuyang badyet diumano ay nagbibigay lamang ng P6.55 na alokasyon bawat estudyante.

Ito’y taliwas umano sa Article XIV Sec. 5 na nagsasabing dapat ibigay ng pamahalaan ang pinakamataas na prayoridad sa edukasyon sang-ayon sa rekomendasyon ng UNESCO na 6% ng Gross Domestic Product (GDP) ay dapat mapunta sa pondong pang-edukasyon.

Ayon kay Sir Stephen Maverick Cruda ng College Editors Guild of the Philippines Greater Cotabato, hindi diumano makatwiran ang pag-apruba ng kongreso sa inilaang badyet para sa edukasyon sapagkat ito’y nagiging komersyal hinggil sa panukala ng rehimeng Aquino na maging self-reliant di umano ang mga SUC’s at umasa na lamang sa mangilan-ngilang income generating projects (IGP).

Aniya, direktang apektado nito ang mga estudyante dahil mapipilitang magtaas ng mga bayarin ang mga pampublikong pamantasan upang matugunan ang kanilang mga pangangailangang pang-imprastraktura at kagamitang panglaboratoryo at dahil dito, libo-libong estudyante ang hindi na makakapasok pa sa paaralan.

Iginiit rin ni Leah Joy Pasion, ng League of Filipino Students (LFS) Kabacan na hindi pinapakinggan ng kasalukuyang rehimen ang hinaing ng mga estudyante ukol sa suliraning pang-edukasyon na kung kaya’t maglulunsad rin sila ng serye ng pagkilos upang maiparating ang kanilang mga hinaing sa gobyerno.

Read More

Balitang pagpanaw ni Kato, pinasinungalingan ng MILF

Kung si Moro Islamic Liberation Front o MILF Spokesperson Von Alhaq ang tatanungin, wala umanong katotohanan ang napabalitang pagpanaw ni Bangsamoro Islamic Freedom Movement (BIFM) Chairman Ustadz Ameril Umbra Kato.

Taliwas ito sa report na lumalabas na sinabi umano ni Vice Chairman for Political Affairs Gadzali Jaffar na patay na ang nasabing lider.

Ayon kay Al Haq, posibleng analysis lamang umano ni Jaffar ang ipinalabas nitong report dahil kahapon nagsagawa ng 7th Day Kanduli sa loob mismo ng Camp Omar, Talayan, Maguindanao, kasama ang buong pamilya ni Kato at mga opisyal ng BIFM subalit wala umano doon si Kato dahilan kung bakit sinabi nitong pumanaw na ang nasabing lider.

Giit naman ng opisyal na wala pa silang kumpirmasyon sa pagkamatay ni Kato pero kung meyron man ay dapat na may makukuha silang ebedensiya.

Read More

PAGSULONG NG PANUKALANG BATAS PARA SA MGA BAKWIT, ININDORSO SA SANGGUNIANG BAYAN NG KABACAN

Inindorso kanina sa Sangguniang Bayan Regular Session ang IDP Act of 2011 o Internally Displacement Act of 2011.

Isinusulong ito ng Balay Rehabilitation Center, Inc. sa tulong ng United Nations Higher Connission for Refugees (UNHCR).

Ayon pa kay Balay Rehabilitation Ceter Budget officer Glenn Larol, umaasa silang ang panukalang batas na ito  ay susuportahan ng Local Government Unit ng Kabacan.

Ang IDP Bill ay isang panukalang batas para mapangalagaan at maprotektahan ang mga IDPs o bakwit. Ito rin ay naglalayon ng mahinto o maibsan ang mga pangyayari na nagdudulot ng paglikas ng mga tao o komunidad.

Read More

6 katao, pinawalang sala ng hukom sa Kabacan, Cotabato

Pinawalang sala ni Judge Laureano Alzate ng Regional Trial Court Branch 22, Kabacan, Cotabato nitong Martes, ang anim na nasasakdal sa kasong paglabag sa Republic Act 9165 (Comprehensive Dangerous Drug Act of 2002).

Kinilala ang anim na sina JoeL Dar, Edgar Buday, Edison Cariño, Zacaria Sindao at Niño Largao ay pinaniniwalaang nahuli ng pulis dahil sa magkakahiwalay na kaso ng paggamit at pagbebenta ng droga.

Ang anim na nasasakdal ay pinawalang sala ni Judge Alzate sa kadahilanang hindi pagtupad sa chain of custody rule, inconsistent testimonies at illegal arrest.

Read More

Division-wide Student Leadership Training, ginaganap ngayong araw sa Libungan, North Cotabato

Kasalukuyang isinasagawa ngayon ang tatlong araw na Supreme Student Leadership Training sa Libungan National High School sa bayan ng Libungan, North Cotabato.

Ayon kay Cotabato Education Program Supervisor Alfredo Sagucom layunin ng programang ito ang pagsasanay sa mga mag-aaral ng high school na maging responsibleng pinuno at madebelop ang kanilang kakayahan sa larangan ng pamumuno bilang mga lider sa susunod na henerasyon.

Ang division-wide Student Leadership Training na ito ay nilahukan ng pitumpong mga National High Schools mula sa mga munisipyo sa lalawigan ng North Cotabato.

Ang leadership training na ito ay programa ng CHED-National Office, at

inaasahang magtatapos bukas, December 3, 2011.

Read More

Kaso ng HIV sda Rehiyon Dose, nakakaalarma

Koronadal City, Dec22011 (PIA) – Sa ginawang Human-Immuno Deficiency Virus (HIV) Forum dito sa Lungsod ng Koronadal noong Nobyembre a-28, 2011, inihayag ni Dr. Mely Lastimoso na nakaka-alarma na umano ang mga kaso ng HIV sa Rehiyon Dose.

Ayon kay Lastimoso, siya ay kasalukuyang nagmo-monitor sa mahigit 30 pasyenteng may sakit na HIV sa kanyang klinika sa Lungsod ng Heneral Santos.

Ayon kay Lastimoso, karamihan umano sa kanayang mga pasyente na mayrong sakit na HIV ay nagmula sa professional sector. Pito umano dito ay registered nurse, isang guro, isang maybahay, mangingisda at drayber ng “habal-habal” o motorsiklo. 

Base sa mga health records sa kanyang klinika, lima umano sa mga pasyente ni Lastimoso ay mula sa lalawigan ng South Cotabato. 

Bilang nag-iisang Social Hygiene Clinic Physician (SHCP) sa buong rehiyon, pinaalalahanan ni Lastimoso ang lahat lalo na ang mga estudyante na mag-ingat at maging responsableng mamamayan upang maiwasan ang pagkalat pa ng nakakamamatay na sakit. 

Read More

Short film Festival, masasaksihan na

Masasaksihan na ng lahat ang inaabangang Lantaw 2011, “Digital Short Film Festival” dito sa pamantasan sa darating na Desyembre a – 6-8 2011 sa Café Martina (USM) , alas 4 ng hapon. 

Mababalitaang ang Lantaw festival ang kauna unahang digital short film festival sa probinsya ng Cotabato na nagsimula noong nakaraang taon . Ang Lantaw 2011 ay katatampukan ng dalawang pelikula- ang “ LILIM” sa direksyon ni Abdulmojaimen K. Talib ng CBDEM at “PANGARAP” sa direksyon ni Claribel Amor Maguate ng CAS. 

May halagang tatlumpong piso ang admission fee sa short film festival na ito para mapanood ang dalawang kalahok na pelikula , kabilang ang Best Short Film ng naturang patimpalak noong nakaraang taon na humakot ng 11 awards . Ito’y pinamagatang “ The THeif” sa direkson ni Abdulmojaimen K. Talib.

Layunin ng Lantaw Festival, na bigyan ng tiyansa ang mga aspiring film makers dito sa pamantasan na ipakita ang kani kanilang galing sa paggawa ng mga de kalidad na pelikula at hasain ang kanilang kakayanan sa larangang ito. Inorganisa ng Department of English Language and Literatur , USM English Club at AB English Society ang naturang Short film festival na ito.

Read More

33^rd CAS day, pinaghahandaan na

Pinaghahandaan na ng buong Department of Development Communication, sa pangunguna ni Department of Development Communication Chairperson at over-all Coordinator Prof. Althea Garcia ang pagiging host sa darating na  33^rd CAS Day na gaganapin ngayong December 12, araw ng Lunes, taong kasalukuyan.

Highlight ng nabanggit na selebrasyon ang Mascarade, Concert for a Cause, at Cas Got Talent na ibinatay pa sa Pilipinas Got Talent.

Inaasahang magiging resource person ng naturang aktibidad si Philippine Information Agency XII Chief Danilo E. Doguiles. Matatandaang, si Mr. Doguiles ay isa ring  produkto ng CAS na  naging saksi  sa pagbuo at tagumpay ng College of Arts and Sciences.

Tema ng 33^rd CAS Day ang “ Tuwid na Landas: the CAS Way” kung saan nakapaloob dito ang mithiing magkaroon ng tamang pamamalakad ang gobyerno at daan  na walang kurapsyon, anomalya, awayang pampulilika at problemang pang-akademiko. 

Read More