Welcome Class 2015

Welcome Class 2015

Sa lahat ng mga sumuporta sa ating programa at aktibidad sa ika-siyam na taong anibersaryo ng DXVL FM! Maraming Maraming salamat po sainyu! Sa aming mga sponsors at mga mga naging katuwang sa Tree growing Activity, Bloodletting Activity at sa Hatawan Para sa Batang Nangangailangan, taos puso po kaming nagpapasalamat… hanggang sa susunod na taon Kakoolitan…

DXVL Staff

...

March 4, 2011

Biosafety Permit ng Field testing ng BT-Talong sa USM, inilabas na ng Bureau of Plant Industry

Matapos dumaan sa butas ng karayom ang pagsisiyasat ng pagsasagawa ng field testing ng Bacillus thuringiensis eggplant o Bt talong sa North Cotabato, nakakuha na ngayon ng pag-apruba ang mga proponents nito mula sa Bureau of Plant Industry o BPI.

Ito ay ayon kay USM Director for Research Emma Sales, kungsaan nito pang Hunyo a-28, 2010 nakakuha sila ng biosafety permit mula sa BPI.

Sa kabila ng pagka-apruba nito sa BPI, aminado pa rin si Sales na dadaan pa rin ang nasabing field testing sa masusing proseso kungsaan nakabinbin pa rin ang nasabing panukala sa Sangguniang Panlalawigan ng probinsiya.

Giit pa ni Dr. Sales na naging kontrobersiyal ang nasabing BT-Talong dahil sa marami umano ang natatakot dahil hindi alam ang kanilang kinatatakutan at dahil sa bago ang nasabing teknolohiya.

Paliwanag naman Dr. Desiree Hautea, ng Institute of Plant Breeding РUniversity of the Philippine, Los Ba̱os, Laguna ang proponent ng nasabing panukalang field trial na ang mga GMO ay ligtas kainin ng mga tao, at maaaring makapagbigay ng mas malaking ani at kita sa mga magsasaka.


Isa ang North Cotabato sa pitong lugar sa buong bansa na napili ng Monsanto Philippines sa isinasagawang field testing ng Bt talong.
Naka-embed sa Bt talong ang bacteria na Bacillus thuringiensis na tutulong umano para maging resistant ang talong laban sa fruit at shoot borers.

06:15PM

Napipintong pagtaas ng power rate o bayarin sa kuryente; ipapaliwanag ng Cotelco sa isasagawang public consultation

Noon pang taong 2004 ang huling pagtaas sa power rate ng Cotabato Electric Cooperative o Cotelco sa kanilang distribution rate adjustment, ayon kay Cotelco spokesman Felix Canja.

Giit pa ni Canja na sa kabila ng naging malaki ang epekto ng inflation sa mga pangunahing bilihin at maging sa presyo ng gasolina sa mga nakalipas na taon ay hindi pa rin nakapagpapatupad ng pagtaas sa singil ng kuryente ang Cotelco.

Sinabi pa nito na kung may nararamdaman man tayong paggalaw sa presyo ng kuryente ito sa generation at transmission lamang at wala pang kinalaman dito ang adjustment sa tariff.

Ito rin ang dahilan kung bakit ipinatawag ng nasabing pamunuan ang Energy Regulatory commission o ERC para i-evaluate nito na kailangan na ng cotelco na magpatupad ng pagtaas sa bayarin sa kuryente.

Para hindi naman mabigla ang mga konsumedures ng cotelco, magsasagawa sila ng public consultation sa nasabing wheeling rates sa darating na Marso a-one, 2011 ganap na alas 9:00 ng umaga na gaganapin sa COTELCO Main Office, Manubuan, Matalam.

 Sa panayam ng DXVL ngayong hapon, inihayag ni Canja na posibleng tataas ng .13 centavos ang increase para sa mga residential area. (Rhoderick Benez)

06:12

Opisyal ng Kabacan nakatanggap ng bomb threat ngayong umaga

Agad na ipinakalat kaninang umaga ang mga kasapi ng intelligence, sundalo at K9 units kasabay ng pagka-alerto ng mga pulisya sa bisinidad ng municipal compound ng Kabacan makaraang makatanggap ng bomb threat ang isang opisyal ng bayan.

Ayon kay vice Mayor Pol Dulay ang bomb threat ay mula sa isang text message na hindi nagpakilala.

Tumanggi munang ihayag ng opisyal kung sinu ang target ng nasabing pagbabanta habang nagpapatuloy ang imbestigasyon ng mga otoridad sa nasabing pangyayari.

Kaugnay nito agad na itinaas ang alerto ng mga otoridad matapos na inireport din ang limang pasahero ng bus ang sugatan kabilang ang sundalo sa nangyaring pagsabog pasado alas 5:30 kaninang umaga sa Datu Paglas, Maguindanao.

Batay sa report Hinihinalang mga tauhan umano ng tinaguriang Alkhobar terror group ang nasa likod ng pagsabog ng improvised explosive device (IED).
Sinabi ng tagapagsalita ng 6th Infantry Division na si Col. Prudencio Alto, matagal ng tumatanggap ng pagbabanta ang Grand bus at iba pang kompaniya subalit hindi pinagbigyan ang hiling na "protection money."
Matapos ang pangyayari kinordon ang lugar kung saan sumabog ang bomba habang nagpapatuloy naman ang imbestigasyon ng mga otoridad sa nasabing insidente. 

06:10PM


“PEACE POND” Project sa Midsayap, Pinasinayaan ni Governor Lala Taliño-Mendoza

Kamakailan ay inilunsad sa bayan ng Midsayap ang PEACE POND projects ng mga nagkaisang ahensya na kinabibilangan ng 40th Infantry Battalion ng Philippine Army, Provincial Government of Cotabato na pinamumunuan ni Governor Lala Mendoza, Municipal Government of Midsayap, World Food Programme, Magungaya Foundation at Asia Foundation.

Ang PEACE POND ay nangangahulugang palaisdaang pangkapayapaan at ito ay isang alternatibong livelihood project para sa internally displaced persons sa mga conflict affected areas ng lalawigan upang isulong ang peace process.

Ayon sa report ni Agricultural Technologist Ruel Villanueva, ang mga beneficiaries ng proyektong ito ay ang mga residente ng labintatlong barangay sa paligid ng Liguasan Marsh sa bayan ng Midsayap.

Nagsagawa ng isang araw na training ang Office of the Provincial Agriculturist – Fisheries Division patungkol sa Pangasius culture. Ito ay pinangunahan ng mga Fisheries aquaculturists na sina Ernesto Petros, Jeralyn Magbanua, Jonathan Bayaron, Ebrahim Balawag at Abdulmuin Pananggulon. Ito ay isinagawa sa unang tatlong barangay ng Kadingilan, Mudseng at Kapinpilan na pawang sa bayan ng Midsayap.

Nagkaroon din ng fish stocking ng humigit-kumulang sa 1,500 piraso ng Pangasius fingerlings sa Kapinpilan demo pond na sinundan ng pagpapasinaya ng PEACE POND project sa pangunguna ni Governor Mendoza kasama sina Mayor Rabara ng Midsayap, Mayor Cabaya ng Aleosan, Ms. Junalyn Sumlay – ang Executive Director ng Magungaya Foundation at ilan pang representante ng iba pang organisasyon.

Ito ay bahagi pa rin ng “Serbisyong Totoo” program ng Provincial Government para sa mga mamamayan ng Cotabato.

Para sa karagdagang impormasyon patungkol sa aquaculture training ay magtungo lamang po kayo sa Fisheries Division ng Office of the Provincial Agriculturist, Amas, Kidapawan City o tumawag sa telepono bilang 278-7019.
  

06:08PM

BFP 12 pinangunahan ang pagdiriwang ng Fire Protection Month ngayong Marso

Abalang-abala ang mga kawani ng Bureau of Fire Protection (BFP) dito sa Rehiyon Dose kaugnay ng pagsisimula ng isang buwang pagdiriwang ng Fire Prevention Month ngayong buwan ng Marso.

Sa pamumuno ni regional director S/Supt Alejandro M. Cagampang, sinimulan kahapon ang kick-off activity sa pamamagitan ng Motorcade sa mga lansangan ng Lungsod ng Koronadal.

Layon ng isang buwang pagdiriwang ang mabigyan ng tamang impormasyon at edukasyon ang mga mamamayan lalo na sa pag-iingat at pag-iwas sa pinsalang dulot ng apoy o sunog.

Highlight ng selebrasyon ang pagsasagawa ng Fire Olympics o isang Fire-Fighting Combat Challenge na inaasahang lalahukan ng lahat ng mga units ng mga firefighters ng pamahalaan na nasa iba’t-ibang bahagi ng buong Rehiyon Dose.

Kasali rin sa Combat Challenge ang mga Volunteer Fire Brigades ng mga pribadong institusyon.

Sinimulan na ring bisitahin ng mga personnel ng BFP 12 ang mga pribado at pampublikong paaralan at mga tanggapan ng ahensiya ng pamahalaan sa buong rehiyon.

Dito sa bayan ng Kabacan, sinimulan din ang nasabing selebrasyon sa pamamagitan ng pag-iikot ng mga kagawad ng pamatay apoy sa pangunguna ni Kabacan Senior Fire Marshall Ibrahim Guiamalon sa mga pangunahing lansangan ng Kabacan noong umaga ng Martes.

Ang Presidential Proclamation no. 115-A ay nagdedeklara sa buwan ng Marso bilang Fire Prevention Month kungsaan nakasentro ang selebrasyon ngayong taon sa temang “Kahandaan sa sunog… Tungo sa Kaunlaran”.

06:07PM

5 sugatan sa pagsabog ng bomba sa Maguindanao

Sugatan ang limang pasahero ng Grand  Transit Bus  na may biyaheng  Tacurong Davao City matapos  na mahagip ito ng isang roadside bomb dakong alas 5:45 ng umaga sa national hiway  ng boundary ng barangay Alip Datu Paglas at Barangay Kayaga  Pandag  Maguindanao..

Kinilala   ang mga sugatan na sina Zoren  at  Fatima Madidis  kapwa nakatira sa  sa Datu Paglas,  Campua Abdul 50 anyos, Inspector ng Bus,  Albert Castro 27 anyos  Conductor at Jovelyn Pag-Ong 20 anyos  na  taga Tagum City…Silang lahat ay naisugod naman sa   Sorella hospital sa bayan ng Tulunan North Cotabato.

Ayon police insp.Marlon Silvestre  ang chief of police ng Datu Paglas PNP, nagmula umano   ang Bus sa Tacurong  City  at papunta sana ng   Davao City nang pagsapit   sa nasabing lugar  ay bigla na lamang daw sumabog   ang bomba.

Sa ginawang  inbestigasyon ng EOD Team nabatid na isang 60mm  mortar ang ginamit  sa insedente habang  blanco parin sila  kung sino  ang nasa likod ng paglalagay  ng bomba.
      

07:25PM


Ilang mga mahihirap na sana’y benepisyaryo ng 4P’s sa ilang mga brgy sa Pagalungan, Maguindanao; hindi nakasali sa programa

Dismayado ngayon ang ilang mga residente ng Layuk, Pagalungan sa probinsiya ng Maguindanao matapos na karamihan sa mga nakasali sa programa ng gobyerno na “Pantawid Pamilyang Pilipino Program (4Ps) ng Department of Social Welfare and Development (DSWD) ay diumano’y mga may kaya.

Ito ay ayon sa isang residente na nakapanayam ng DXVL News, ayon kay tatang na ayaw magpakilala, ibinulgar nito dito sa Radyo ng Bayan na karamihan umano sa mga nakasali sa 4P’s ay kamag-anak ng mga maimpluwensiyang pulitiko sa lugar.

Kaya panawagan nito sa kinauukulan na alamin ang kanilang totoong kalagayan.

Ang 4Ps program ay naglalayong matulungan ang mahihirap na pamilyang Pilipino na mapipili ng DSWD kung saan bibigyan ng tulong pinansiyal na gagamitin sa pagpapa-aral ng kanilang anak sa loob ng limang taon.

Ayon kay “Tatang”, imbes na sila ang bibigyan kasama ang ilan pang mga kababayan nitong naghihikahos sa buhay, mga may kaya umano ang naka-avail ng nasabing programa ng pamahalaan partikular sa brgy. Layuk, Pagalungan.

Kaya naman, agad naming idinulog ito sa pamunuan ng DSWD-ARMM at narito naman ang kanilang naging tugon.


Para sa inyong mga reklamo hinggil sa 4P’s Program, I-text ang 4P’s Space, pangalan slash, lugar slash ang inyong mga reklamo at ipadala sa 0918-912-2813.

Pastora sa Makilala nangangamba ang buhay matapos pagdudahang isang ‘mangkukulan’ matapos idinadawit ito sa pagpatay ng isang opisyal ng brgy Malongon

Pinagbabantaan ngayon ang isang pastora ng isang religious congregation na taga-Barangay Malongon, Makilala matapos matapos pinaghihinalaang “Mangkukulam” o ‘mambabarang” sa kanilang lugar.

UNA nang pinagtangkaan ang buhay ni Beanita Merced, noong nakaraang Enero, nang paputukan ng 12-gauge shotgun ang kanyang bahay.
          
Maliban dito, nakatatanggap din umano siya ng mga pagbabanta sa buhay niya mula sa kanyang mga kapitbahay.

Una ng sinabihan ng kanyang mga kaibigan ang pastora na lumayas na lang sa kanilang barangay para ‘di malagay sa alanganin ang kanyang buhay.
          
Si Merced ay pinagdudahan na isang ‘mangkukulam’ o ‘mambabarang’ sa wikang Cebuano. Nagsimula ang lahat nang sabihin ng isang manggagamot o albularyo na taga-Davao City na ang pamilya ni Merced ang umano’y responsable sa pagkamatay ng isang opisyal ng barangay ng Malongon.
          
Namatay ang naturang opisyal noong nakaraang Disyembre.
          
Pero batay sa hospital records, namatay ang naturang lalaki dahil sa sakit sa puso at hindi dahil sa kulam. Ayon kay Merced, dahil sa galit ng pamilya ng naturang opisyal, pina-hunting siya ng mga ito.
          
Kaugnay nito, nanawagan si Merced sa mga awtoridad na tiyakin ang kanyang seguridad dahil wala naman siya’ng kinalaman sa kamatayan ng kahit na sino’ng tao.
          
TINIYAK rin ni Datu Jaime Udo ng Federation of Tribal Chieftains in Makilala na poprotektahan nila ang seguridad ni Merced na isa nila’ng miyembro.



07:13PM

Plantasyon ng Oil Palm sa Kabacan, Cotabato; hindi na rin pinalagpas ng mga umaatakeng daga

Kinumpirma ngayon ni Agricultural Technologist at report Officer Tessie Nidoy ng Kabacan Municipal Agriculture Office na hindi lamang mga palay at mais ang inaatake ng mga pesteng daga sa bayan ng Kabacan, maging ang oil Palm plantation sa bayan ay inatake na rin ng mga ito.

Pati umano oil palm ay inaatake na rin ng daga dahil umano sa manamis-namis na lasa ng bunga nito.

Ayon kay Brgy. Salapungan Kapitan Aladin Mantawil halos anim na pung porsiento ng kanyang oil palm plantation na abot sa sampung ektarya ang inatake na rin ng mga daga, damay din maging ang oil palm plantation ng kanyang kamag-anak na si dating ex-councilor Cedric Mantawil.

Tinatayang mahigit dalawang daang mga magsasaka naman ang naitalang inatake ang kanilang mga sakahan at taniman.

Aminado naman si Nidoy na malaki ang epekto nito sa produksiyon sa sektor ng agrikultura.

Kung dati, sa isang ektarya ay aabot ng 4.4 tons per hectare, ngayon nasa average na lamang na 3.3 tons per hectare ang naani ng mga magsasaka, batay sa record ng MAO-Kabacan. (Rhoderick Benez)