KAWIKAANG KAYAMANAN!

Sapagkat batid kong lubos ang mga plano ko para sa inyo; mga planong hindi ninyo ikakasama kundi para sa inyong ikabubuti. Ito'y mga planong magdudulot sa inyo ng kinabukasang punung-puno ng pag-asa. JEREMIAH 29:11


Kabacan BFP, muling nagpaalala sa publiko hinggil sa sunog; grassfire naitala din sa bayan

(Kabacan, North Cotabato/ March 20, 2015) ---Muling nagpaalala ang Kabacan Bureau of fire Protection sa Publiko na maging maingat laban sa sunog.

Ginawa ni FSI Ibrahim Guiamalon ang pahayag matapos ang nangyaring sunog sa tatlong mga kabahayan sa Purok 5, Brgy. Katidtuan, Kabacan kamakalawa ng hapon.

Aniya, posibleng illegal connection ang dahilan kung bakit nasunog ang tatlong kabahayan sa nasabing lugar.

OWWA, magbibigay tulong sa mga OFW sa Kabacan

(Kabacan, North Cotabato/ March 20, 2015) ---Hinihikaya’t ngayon ng pamunuan ng Barangay Poblacion Kabacan ang mga balik bayan, partikular na ang mga Overseas Filipino Worker o OFW na dumalo sa gagawing pagpupulong sa Brgy. Hall alas 2:00 mamayang hapon.

Ito ayon kay Poblacion Kagawad Allan Dela Peña, upang maka-organisa, makapaghalal ang grupo ng mga OFW sa Poblacion.

Mahigit 2,500 na mg mag-aaral ng USM, magtatapos ngayong taon, commencement exercises, itinakda sa April 11

By: Mark Anthony Pispis

(USM, Kabacan, North Cotabato/ March 20, 2015) ---Ngayon pa lamang ay todo handa na ang academic council para sa gagawing commencement exercises sa Pamantasan ng Katimugang Mindanao na nakatakda sa April 11.

Ayon kay USM VPAA Dr. Palasig U. Ampang sa panayam ng DXVL News, ang bilang ng mga estudyanteng magtatapos ay nasa mahigit dalawang libu.

Inihayag naman ng opisyal ang eskedyul ng mga Commencement Exercises sa pamantasan, sa darating na Marso a-26 ay ang University Laboratory Science, Marso a-31 ang ILS Lumayong, April 9 naman ang Commencement Exercise USM Kidapawan City Campus.

3 kabahayan, natupok ng apoy sa Kabacan

(Kabacan, North Cotabato/ March 19, 2015) ---Nasampulan ng unang sunog sa bayan ng Kabacan ang pagdiriwang ng fire Prevention Month ngayong buwan.

Ito makaraang masunog ang tatlong mga kabahayan sa Purok 5, Brgy. Katidtuan, Kabacan, Cotabato alas 4:30 kahapon ng hapon. 

Isang kawani ng USM Admin, inireklamo ng estudyante sa hindi magandang trato nito

(Kabacan, North Cotabato/ March 19, 2015) ---Agad na inaksyunan ng Vice President for Academic Affairs ang reklamo ng isang estudyante ng University of Southern Mindanao hinggil umano sa isang staff ng cashier sa hindi umano pagtrato sa kaniya.

Ayon sa di nagpakilalang estudyante sa panayam ng DXVL News, magbabayad na umano sila sa isang window sa cashier ng Admin para makapag enrol at nagtatanong sa halaga ng kanilang babayarin at sinagot sila ng di maayos ng clerk na nakatalaga doon.

Bangsamoro Freedom Day ginunita kasabay na pinagdiwang sa Founding Anniversary ng MNLF

(Kabacan, North Cotabato/ March 19, 2015) ---Kasabay ng paggunita ng ika-47 taong pagkakatatag ng Moro Islamic Liberation Front kahapon ay isinagawa din ang selebrasyon ng “Bangsamoro Freedom Day”.

Ito ayon kay MNLF Central Committee member Romeo Sema sa panayam ng DXVL News.

Naging matagumpay naman ang ginawang aktibidad ng kasapi ng MNLF kaugnay sa kanilang selebrasyon, particular na isinagawa ito sa bayan ng Carmen na dinaluhan din ng mga lokal na opisyal.

Opisyal ng Maguindanao, nilinaw ang isyu hinggil sa hinihingan ng voters ID ang mga bakwit bago makatanggap ng rasyon mula sa pamahalaan

(Datu Montawal, Maguindanao/ March 19, 2015) ---Bagama’t di pa umabot sa pamunuan ni Maguindanao Board Member Allan Montawal Paglas ang nasabing isyu, agad namang nilinaw nito na hindi ito nangyayari sa mga bakwit sa Maguinadnao.

Ginawa ng opisyal ang paglilinaw sa isang ambush interview ng DXVL News kasabay ng isinagawang culmination program ng 15th Founding Anniversary ng bayan ng Datu Montawal, Maguindanao kahapon.

Ayon kay Board Member Paglas, wala itong katotohanan, kaya nanawagan ito sa publiko na tigilan na ang pagkakalat ng nasabing isyu.

Maliban dito, sinabi din ng opisyal na umaabot na sa 70 katao ang naapektuhan ng nagpapatuloy na military Offensive laban sa pangkat ng Bangsamoro Islamic Freedom Fighter o BIFF Maguindanao.

Samantala, hinikaya’t naman ni Datu Otto Montawal ang mamamayan ng Datu Montawal na panatilihin ang kapayapaan sa lugar.

DA 12, naglatag na ng hakbang para makapagbigay ayuda sa mga magsasakang naapektuhan ng tagtuyot

By: Christine Limos

(Kabacan, North Cotabato/ March 19, 2015) ---Patuloy ang ginigawang pakikipag-ugnayan ng Department of Agriculture Region 12 sa mga Lokal na Pamahalaan sa buong rehiyon 12 para sa ayudang ipamimigay sa mga sakahan ng mga magsasakang matinding naapektuhan ng tagtuyot ngayong taon.

Sa panayam ng DXVL News kay Department of Agriculture 12 Regional Executive Director Amalia Jayag Datukan na dapat ay makipag-ugnayan ang mga magsasakang naapektuhan ang pananim sa matinding tagtuyot sa kanilang Municipal Agricultural Office o sa mga LGUs.

Habal-habal drayber, nilikida!

(Midsayap, North Cotabato/ March 18, 2015) ---Patay ang isang habal-habal driver matapos barilin ng di pa kilalang suspek sa brgy. Nabalawag, Midsayap, North Cotabato.

Kinilala ng Midsayap PNP ang biktima na si Jomari Cadungog, 37 anyos, may asawa at taga Brgy. San Isidro, Midsayap.

Iba’t-ibang mga proyekto at programa, inilahad ni Cotabato Gov. Lala sa kanyang SOPA 2015

(Makilala, North Cotabato/ March 18, 2015) ---Ang taong 2014 ay nagdulot ng parehong tagumpay at kasawian sa atin sa lalawigan ng Cotabato.

Ito ang binitiwang pahayag ni Cotabato Governor Emmylou Lala Talino sa pagbubukas ng kanyang mensaha sa isinagawang State of the Province Address kahapon na isinagawa sa Municipal Gym sa bayan ng Makilala.

Iniisa-isa ng gobernadora ang kanyang mga naging programa sa taong 2014 sa harap ng Sangguniang Panlalawigan members, mga ilang opisyal ng lalawigan, iba’t-ibang sektors at sa harap ng bawat Cotabateños.

Ilang mga bulubunduking barangay sa bayan ng Kabacan apektado na ng tagtuyot

(Kabacan, North Cotabato/ March 18, 2015) ---Ilang mga bulubunduking baranggay sa bayan ng Kabacan apektado ng tagtuyot.

Ito ang inihayag ni Agricultural  Technologist Tessie Nidoy sa panayam ng DXVL news. 

Apektado umano ang mga baranggay na natatamnan ng mais tulad ng baranggay Tamped, Simbuhay, Buluan, Pedtad, Nangaan at Simone.

Barangay sa Kabacan, 100% apektado ng dry spell ang pananim

by: Christine Limos

(Kabacan, North Cotabato/ March 18, 2015) ---Nanawagan si Brgy Tamped Kapitan Daniel Saliling ng tulong sa lokal na pamahalaan at sa lalawigan upang bigyan ng pansin ang nararanasang tagtuyot sa kanilang baranggay.

Sa panayam ng DXVL news inihayag ng opisyal na sana’y bigyan sila ng kaunting tulong.

Ipinaliwanag din ng opisyal na isandaang porsyiento ng kanilang tanimang sakahan sa brgy Tamped ang apektado ng tagtuyot.