KAWIKAANG KAYAMANAN!

Sapagkat batid kong lubos ang mga plano ko para sa inyo; mga planong hindi ninyo ikakasama kundi para sa inyong ikabubuti. Ito'y mga planong magdudulot sa inyo ng kinabukasang punung-puno ng pag-asa. JEREMIAH 29:11


All-out offensive, inilunsad ng Militar laban sa BIFF

(North Cotabato/ February 28, 2015) ---Naglunsad na ng all-out offensive operation ang Armed Forces of the Philippines laban sa Bangsamoro Islamic Freedom Fighters (BIFF).

Ayon kay AFP Chief Gen. Gregorio Pio Catapang, nais nilang bigyang proteksyon ang komunidad sa Central Mindanao laban sa pag-atake ng BIFF sa ilang bahagi ng Maguindanao at North Cotabato.

Opisyal ng ARMM, binabulagta!

(North Cotabato/ February 27, 2015) ---Kamatayan ang sumalubong sa isang mataas na opisyal ng Autonomous Region in Muslim Mindanao (ARMM) nang ito'y barilin sa lungsod ng Cotabato.

Kinilala ni Cotabato City Police Director S/Supt Rolen Balquin na si Norodin Manalao-Executive Director ng Regional Reconcialation and Unification Council (RRUC-ARMM).

Batay sa ulat, nilapitan ng nag-iisang suspek ang biktima habang sakay ito ng kanyang Pajero at naghihintay sa kanyang asawa sa Mega market.

Tricycle na ninakaw sa Bayan ng Kabacan, narekober sa Columbio, Sultan Kukarat

By: Mark Anthony Pispis

(Kabacan, North Cotabato/ February 27, 2015) ---Narekober ang ninakaw na trycicle sa bayan ng Kabacan at kalaboso rin ang responsable sa Bayan ng Columbio, Sultan Kudarat kahapon.

Ayon kay PCI Ernor Melgarejo sa Panayam ng DXVL News, kinialala nito ang suspek na isang Kamaru Pututan na residente ng Datu Paglas, lalawigan ng Maguindanao.

Lumalabas sa inisyal na imbestigasyon na dinala umano ng suspek ang sasakyan sa bahay ng asawa nito sa nasabing bayan.

Pagpapaaga ng enrolment sa USM, ipinaliwanag ni USM President Garcia; Graduation sa pamantasan mauurong sa April 11, 2015

(USM, Kabacan, Cotabato/ February 27, 2015) ---Ipinaliwanag ng pamunuan ng University of Southern Mindanao ang pagpapaaga ng enrollment sa susunod School Year 2015-2016.

Ayon kay USM President Dr. Francisco Gil N. Garcia sa panayam ng DXVL News ito ay para narin sa kabutihan ng mga estudyante lalong lalo na sa mga incoming first year.

Aniya sa mga nakaraang taon ay umaabot umano hanggang buwan ng Mayo ang enrollment sa pamantasan na kung saan ay umaabot na hanggang buwan ng Hunyo ang paghahanap ng mga guro para sa mga klase ng mag-aaral na nagiging dahilan ng pagkaantala ng ibang klase sapagkat wala pang nahahanap na guro na magtuturo at ang mga estudyante din ang nalulugi sa ganitong sistema.

Malaki din umano ang tulong ng pagpapaaga ng enrollment upang malaman ng mas maaga ang kabuuang bilang ng mga mag-aaral na mag e-enroll sa susunod na taon at mas mapagtuunan nang pansin ang mga pangangailangan ng mga ito.

Turmeric Rhizomes o luyang dilaw na matatagpuan sa USMARC, USM mabisang gamot sa iba’t ibang sa sakit

by: Christine Limos

(Kabacan, North cotabato/ February 27, 2015) ---Matatagpuan sa University of Southern Mindanao Agricultural Research Center sa USM Main Campus, Kabacan, Cotabato ang ilang taniman ng Turmeric Rhizomes o luyang dilaw na mabisang gamot sa ibat ibang sakit.
 
Sa panayam ng DXVL News inihayag ni Dr. Naomi Tangonan, isang scientist, Plant Pathologist at dating University Prof. ng Pamantasan na nakapag-ani na sila ng luyang dilaw.

Ang luyang dilaw na may scientific name na Curcuma longa Linn. ay may katangi-tangi amoy at ginagamit bilang pampasarap ng pagkain.

KULTODA, nagpulong!

by: Mark Anthony Pispis

(Kabacan, North Cotabato/ February 27, 2015) ---Paglagay ng terminal at pagmamaneho ng maayos.

Ito ang ilan lamang sa binigyang diin ni USM President Francisco Gil Garcia sa isinagawang assembly meeting ng mga tricycle drivers na inorganisa mismo ng Kabacan Unity Line Tricycle Operators and Drivers Association o KULTODA sa USM.

Ayon kay Garcia ilang mga estudyante, USM Staff at pasahero na rin ang nag paabot ng kanilang reklamo hinggil sa ilang mga tricycle operators na pumapasok sa unibersidad.

11 anyos na bata, patay sa pamamaril sa Matalam, Cotabato

By: Mark Anthony Pispis

(Matalam, North Cotabato/ February 26, 2015) ---Maagang sinalubong ni kamatayan ang isang 11-anyos na bata makaraang paulanan ng bala ang pamilya nito at ang katiwala sa may bahagi ng Sitio Israel, Barangay New Abra, Matalam, North Cotabato pasado alas 7:00 ng umaga kahapon.

Sa impormasyong ipinarating sa DXVL News ni SPO1 Froilan Gravidez ng Matalam PNP, kinilala nito ang biktima na si Jeseryl Diosma, nasa ikatlong baitang ng New Tigbawan Elementary School sa nasabing lugar.

Tulak Droga, tiklo!

(Kabacan, North Cotabato/ February 26, 2015) ---Kalaboso at naghihimas ngayon ng malamig na rehas na bakal ang isang lalaki makaraang mahulihan ng iligal na droga sa isinagawang Mobile Chokepoint ng Kabacan PNP sa Lapu-lapu St. Purok Crislam, Brgy. Poblacion Kabacan Cotabato alas 5:00 ng hapon kahapon.

Kinilala ng Kabacan PNP ang suspek na isang Saba Ebrahim.

Nakuha mula sa suspek ang 3 sachet ng pinaniniwalaang shabu at isang piraso ng aluminum foil.

Isa sa malayong Brgy. ng Kabacan, mabibigyan ng libreng Solar Panels mula sa DoE

By: Mark Anthony Pispis

(Kabacan, North Cotabato/ February 26, 2015) --- Mabiyayaan ng pailaw ang Brgy. Tamped sa bayan ng Kabacan matapos na mabibigyan ang mga ito ng 291 Solar Panels na libreng ilalagay sa nasabing lugar buhat sa Department of Energy.

Ayon kay USM-Affiliated Renewable Energy Center Technical Division Head Engr. Arnulfo Ocreto sa panayam ng DXVL News na anumang araw simula ngayon ay kanila ng ilalagay ang nasabing kagamitan sa Brgy. Tamped.

4 na bilanggo na pumuga, tinutugis

(North Cotabato/ February 26, 2015) ---Apat na mga preso ang pumuga sa mula sa Bureau of Jail and Management and Penology (BJMP) sa Malapatan sa lalawigan ng Sarangani alas 7:30 kagabi.

Kinilala ni C/Insp. Robert Gabayeron, hepe ng Malapatan Police station ang mga pumuga na sina Ronald Upos, 23, may kasong pagnanakaw; Roberto Carapayko, 21; Gerald Lipasan may kasong carnapping at Romnick Poster na nahaharap sa kasong murder. Ang mga ito ay pawang mga residente ng Malungon, Sarangani.

Mga nasunugan ng bahay, bibigyan ng tulong ng LGU Pikit

(Pikit, Cotabato/ February 26, 2015) ---Bagama’t humupa na ang tensiyon sa ilang barangay ng Pikit , North Cotabato ang ilang mga residente naman partikular sa Brgy. Kabasalan ay wala ng mababalikang tirahan, ito makaraang sunugin ng mga armadong grupo.

Kaugnay nito, magpapalabas naman ng tulong ang LGU Pikit sa mga residenteng naapektuhan matapos na isinailalim ang bayan sa state of Calamity.

Sa panayam ng DXVL News, sinabi naman ni Municipal Disaster Risk Reduction Management Head Tahira Kalantongan na nasa 40 posiento pa ng mga bakwit ang nakatira ngayon sa mga evacuation center.

Bigtime na Drug Pusher, arestado!

(Cotabato City/ February 26, 2015) ---Bumagsak sa kamay ng mga otoridad ang pinaniniwalaang bigtime na Tulak Droga sa Cotabato City pasado alas 6:00 kahapon ng umaga.

Kinilala ni PDEA ARMM Director Filemon Ruiz ang suspek na Mona Musa Bagundang alias Bai na taga Boliao 2, Mother Barangay Poblacion, Cotabato City.